अंदरसुल |
येवला तालुक्यातील पिंपळखुटे खुर्द येथे मा. खासदार समीर भाऊ भुजबळ यांनी ग्रामस्थांशी संवाद साधत गावाच्या विकासासंदर्भात सविस्तर चर्चा केली. यावेळी ग्रामपंचायत पदाधिकारी व ग्रामस्थांनी गावातील विविध समस्यांवर आपली मते मांडली.
या बैठकीत पिण्याच्या पाण्याची सुविधा, अंतर्गत रस्त्यांची स्थिती, आरोग्य व शिक्षण सुविधा तसेच प्रशासकीय स्तरावरील अडचणी यावर चर्चा करण्यात आली. ग्रामस्थांच्या समस्या जाणून घेत त्यावर लवकरात लवकर उपाययोजना करण्याचे आश्वासन भुजबळ यांनी दिले.
यावेळी बोलताना त्यांनी सांगितले की, मा. ना. छगनरावजी भुजबळ यांच्या मार्गदर्शनाखाली तालुक्यातील प्रत्येक गावाचा चेहरा मोहरा बदलण्याचा आमचा मानस आहे. पिंपळखुटे खुर्द गावाच्या सर्वांगीण विकासासाठी प्रशासन सदैव तत्पर राहील, असा विश्वास त्यांनी ग्रामस्थांना दिला.
या प्रसंगी गावातील प्रतिष्ठित नागरिक, स्थानिक पदाधिकारी, कार्यकर्ते व ग्रामस्थ मोठ्या संख्येने उपस्थित होते.
