उरण (विठ्ठल ममताबादे)
दि. ८ एप्रिल २०२६ रोजी उरण तालुका माध्यमिक व उच्च माध्यमिक शाळा मुख्याध्यापक संघाची विशेष सभा पी.एन.पी. माध्यमिक शाळा मोठी जुई येथे पार पडली. सभेचे अध्यक्ष संघाचे मावळते अध्यक्ष सुधीर मुंबईकर होते.
सभेत संघाचे संस्थापक अध्यक्ष नाथा नाईक, अरुण घाग, सूरदास राऊत, किशोर भोईर, संतोष म्हात्रे, प्रवीण पाटील, मिलिंद पट्टेबहादूर, मनोज म्हात्रे, सोनाली कोळी आदी सदस्य उपस्थित होते.
या सभेत संघाची नवीन कार्यकारिणी नेमण्यात आली:
- अध्यक्ष: मिलिंद पट्टेबहादूर
- उपाध्यक्ष: सोनाली कोळी
- सचिव: संतोष म्हात्रे
- खजिनदार: प्रवीण पाटील
सभेच्या सुरुवातीला पी.एन.पी. शाळेचे मुख्याध्यापक किशोर भोईर यांनी सर्वांचे गुलाब पुष्प देऊन स्वागत केले आणि संघाची स्थापनेपासूनची वाटचाल स्पष्ट केली. याप्रसंगी नाथा नाईक, अरुण घाग, सुभाष ठाकूर, संतोष म्हात्रे, कोळी मॅडम, सुधीर मुंबईकर यांनीही आपले मनोगत व्यक्त केले.
सभेचा कार्यक्रम सुधीर मुंबईकर यांच्या उत्तम व्यवस्थापनाखाली मोठ्या उत्साहात पार पडला. आभार प्रदर्शन करून सभा यशस्वीरीत्या समाप्त झाली.
