विद्युत तारांमधून ठिणगी पडल्याचा प्राथमिक अंदाज; शेतकरी संजीवन कांदे यांचे मोठे नुकसान
केज | प्रतिनिधी : केज तालुक्यातील सातेफळ येथे शेतकरी संजीवन नामदेव कांदे यांच्या शेतातील उसाला अचानक भीषण आग लागल्याची घटना घडली. शेतातून गेलेल्या विद्युत तारांमध्ये शॉर्टसर्किट होऊन ठिणगी पडल्याने आग लागल्याचा प्राथमिक अंदाज व्यक्त केला जात आहे. ठिणगी उसावर पडताच पिकाने पेट घेतला आणि काही क्षणांतच आगीने रौद्ररूप धारण केले.
आगीचा भडका इतका मोठा होता की परिसरात एकच खळबळ उडाली. पाहता पाहता उसाचे पीक आगीच्या भक्ष्यस्थानी पडले. या घटनेत शेतकरी संजीवन नामदेव कांदे यांचे मोठे नुकसान झाले आहे.
उभ्या उसाला आग लागल्याने शेतकऱ्याच्या वर्षभराच्या मेहनतीवर पाणी फेरले गेले असून त्यांना मोठा आर्थिक फटका बसला आहे. या नुकसानीचे तातडीने पंचनामे करून योग्य नुकसानभरपाई द्यावी, अशी मागणी होण्याची शक्यता आहे.











