इगतपुरी (प्रतिनिधी):
धामणगाव, इगतपुरी येथे श्रीराम नवमी व हनुमान जन्मोत्सव निमित्त तसेच सुवर्ण महोत्सवी वर्षानिमित्त आयोजित अखंड हरिनाम सप्ताह भक्तीमय वातावरणात सुरू आहे. गावात धार्मिक उत्साहाचे वातावरण निर्माण झाले असून भाविक मोठ्या संख्येने सहभागी होत आहेत.
या पवित्र सप्ताहात ह.भ.प. उमेश महाराज दशरथे यांची उपस्थिती लाभली. यावेळी त्यांचा सत्कार करण्यात आला तसेच त्यांच्या रसाळ कीर्तनाने उपस्थित भाविक मंत्रमुग्ध झाले.
या वर्षी सप्ताहाचे ५० वे (सुवर्ण महोत्सवी) वर्ष साजरे होत असून, ग्रामस्थांनी एकजुटीने ही परंपरा अखंडपणे जपली आहे. ही बाब अत्यंत अभिमानास्पद असल्याची भावना यावेळी व्यक्त करण्यात आली.
सप्ताहाचे नियोजनबद्ध व सुंदर आयोजन केल्याबद्दल सर्व ग्रामस्थांचे अभिनंदन करण्यात आले. या भक्तिमय सोहळ्यात सहभागी होण्याचे भाग्य लाभल्याने भाविकांनी समाधान व्यक्त केले.
