चाकूर वकील संघाचे माजी अध्यक्ष ॲड. डी. जे. कापसे (आबा) यांचे हृदयविकाराच्या तीव्र झटक्याने दुःखद निधन झाले. त्यांच्या निधनामुळे चाकूर तालुक्यातील कायदे क्षेत्रात शोककळा पसरली आहे.
ॲड. कापसे यांनी गेल्या सुमारे वीस वर्षांपासून चाकूर न्यायालयात वकिली करत अनेकांना न्याय मिळवून देण्यासाठी प्रामाणिकपणे कार्य केले. अत्यंत मनमिळावू स्वभाव, साधेपणा आणि सर्वसामान्यांप्रती असलेली आपुलकी यामुळे ते सर्वांच्या मनात घर करून होते.
कुणाकडे आर्थिक अडचण असली तरी त्यांनी कधीही मागे न हटता त्यांचे प्रश्न सोडवण्याचा प्रयत्न केला. गोरगरीब आणि गरजू नागरिकांसाठी कायद्याची बाजू ठामपणे मांडत न्याय मिळवून देणे हेच त्यांचे ध्येय होते.
त्यांच्या निधनामुळे एक कर्तव्यदक्ष, संवेदनशील आणि जनतेचा आधारस्तंभ हरपल्याची भावना व्यक्त केली जात आहे.
भावपूर्ण श्रद्धांजली… आबा 💐
