दुघाळा (प्रतिनिधी) : क्रांतीसूर्य महात्मा ज्योतिबा फुले यांची जयंती दुघाळा ग्रामपंचायत येथे उत्साहात साजरी करण्यात आली.
या निमित्ताने ग्रामपंचायत कार्यालयात महात्मा फुले यांच्या प्रतिमेचे पूजन करून अभिवादन करण्यात आले. कार्यक्रमावेळी ग्रामपंचायत सदस्य सहल आयात मेहबूब, शामराव पवार, ग्राम रोजगार हमी सेवक विष्णू ढगे तसेच ग्रामपंचायत कर्मचारी आणि गावातील ज्येष्ठ नागरिक मोठ्या संख्येने उपस्थित होते.
यावेळी उपस्थित मान्यवरांनी महात्मा फुलेंच्या सामाजिक कार्याची व सत्यशोधक विचारांची आठवण करून देत त्यांच्या विचारांवर चालण्याचे आवाहन केले. कार्यक्रमामुळे गावात सामाजिक जागृतीचे वातावरण निर्माण झाले.
