केंदूर पऱ्हाडवाडी येथे भैरवनाथ महाराज यात्रेनिमित्त कबड्डी स्पर्धेला उत्स्फूर्त प्रतिसाद

बातमी :
केंदूर (प्रतिनिधी) : श्री Bhairavnath Maharaj Yatra यात्रेनिमित्त केंदूर पऱ्हाडवाडी येथे भव्य कबड्डी स्पर्धेचे आयोजन करण्यात आले होते. या स्पर्धेत सुमारे ३४ संघांनी सहभाग नोंदवला असून महिला कबड्डी सामनेही मोठ्या उत्साहात पार पडले.

ही स्पर्धा मॅटवर आयोजित करण्यात आली होती आणि स्थानिक तरुणांच्या सहकार्याने यशस्वीरीत्या पार पडली. कबड्डी सामने पाहण्यासाठी नागरिकांची मोठी गर्दी उसळली होती. विशेष म्हणजे महिला प्रेक्षकांचीही मोठ्या प्रमाणात उपस्थिती दिसून आली.

या स्पर्धेला शिरूरचे माजी उपसभापती सौ. सविताताई पऱ्हाड, उद्योजक प्रमोद पऱ्हाड, केंदूर सोसायटीचे चेअरमन लक्ष्मण पऱ्हाड, उद्योजक रवीदादा गायकवाड, माजी ग्रामपंचायत सदस्य सतीषतात्या पऱ्हाड यांच्यासह बनशी शेठ पऱ्हाड, मदन पऱ्हाड, विश्वास नाना पऱ्हाड, कमलेश मुळूक, चंद्रकांत पऱ्हाड, गणेश पऱ्हाड, श्रीकांत पऱ्हाड, अमित पऱ्हाड, तुषार पऱ्हाड, भरत पऱ्हाड आदी मान्यवर मोठ्या संख्येने उपस्थित होते.

यात्रेनिमित्त आयोजित या कबड्डी स्पर्धेमुळे गावात उत्साहाचे वातावरण निर्माण झाले असून खेळाडूंना आपले कौशल्य दाखवण्याची संधी मिळाली.