बातमी :
कन्नड (प्रतिनिधी) : देवगाव रंगारी येथे मार्च महिन्यात घडलेल्या घरफोडी प्रकरणातील आरोपीला Chhatrapati Sambhajinagar Crime Branch ने अटक केली असून त्याच्याकडून सुमारे १ लाख ५८ हजार रुपयांचा मुद्देमाल जप्त करण्यात आला आहे.
या प्रकरणी संजय नानासाहेब साळवे आणि त्यांचे शेजारी मिलिंद धोंडीराम गायकवाड यांच्या घरात चोरी झाल्याची तक्रार देवगाव पोलिस ठाण्यात दाखल करण्यात आली होती. या गुन्ह्याचा तपास गुन्हे शाखेचे प्रभारी अधिकारी विजयसिंह राजपूत यांच्याकडे सोपविण्यात आला होता.
तपासादरम्यान रामेश्वर जंगला भोसले यानेच या दोन्ही घरफोड्या केल्याची माहिती पोलिसांना मिळाली. त्यानुसार आरोपीचा शोध सुरू असताना तो मोटारसायकलने गंगापूर तालुक्यात येणार असल्याची माहिती मिळताच पोलिसांनी सापळा रचून त्याला अटक केली.
पुढील तपासासाठी आरोपीला देवगाव रंगारी पोलिसांच्या ताब्यात देण्यात आले आहे. ही कारवाई पोलीस अधीक्षक Dr Vinay Rathod आणि अप्पर पोलीस अधीक्षक अन्नपूर्णा सिंह यांच्या मार्गदर्शनाखाली करण्यात आली.
