अंदरसुल/ श्री सुनिल गायकवाड
अंदरसूल येथील एम.एस.जी.एस. इंग्लिश मीडियम स्कूलमध्ये भारतीय राज्यघटनेचे शिल्पकार, भारतरत्न डॉ. बाबासाहेब आंबेडकर यांची जयंती अत्यंत उत्साहात आणि भक्तीमय वातावरणात साजरी करण्यात आली. या कार्यक्रमाच्या अध्यक्षस्थानी संस्थेचे संचालक तथा प्रशासकीय अधिकारी प्रा. आर. बी. गायकवाड होते, तर प्रमुख पाहुणे म्हणून मंगेश शिंदे व शैलेश गायकवाड उपस्थित होते.
कार्यक्रमाची सुरुवात महामानवाच्या प्रतिमेला पुष्पहार अर्पण करून करण्यात आली. शिक्षिका मनीषा लहरे यांनी आपल्या प्रास्ताविकातून डॉ. बाबासाहेबांच्या जीवनाचा थोडक्यात आढावा घेतला. याप्रसंगी शाळेतील विद्यार्थ्यांनी अतिशय ओघवत्या भाषेत डॉ. बाबासाहेबांच्या कार्याचा गौरव केला. यामध्ये प्रज्ज्वल आहेर, देव पुंड, ओवी सोनवणे, धम्मदीपा सोनवणे, आदिती दारूंटे, राधिका जेजुरकर आणि अल्तमश पटेल या विद्यार्थ्यांनी आपली मनोगते व्यक्त केली.
शिक्षक मनोगतामध्ये माधुरी माळी, शोभा निकम आणि शाळेचे प्राचार्य अल्ताफ खान यांनी डॉ. बाबासाहेबांचे शैक्षणिक विचार आणि त्यांनी समाजासाठी दिलेले योगदान यावर प्रकाश टाकला. अध्यक्षीय भाषणात प्रा. आर. बी. गायकवाड यांनी, “विद्यार्थ्यांनी बाबासाहेबांच्या ‘शिका, संघटित व्हा आणि संघर्ष करा’ या मंत्राचा अवलंब करून आपले भविष्य उज्ज्वल करावे,” असे आवाहन केले.
या कार्यक्रमासाठी वरिष्ठ शिक्षक अजहर खतीब, दीपक खैरनार, गणेश सोनवणे, सचिन घोडके, राजेश कांबळे, निलिमा देशमुख, अर्चना एंडाईत, शर्मिला पवार आणि सुनिता वडे यांच्यासह शिक्षक व शिक्षकेतर कर्मचारी मोठ्या संख्येने उपस्थित होते. कार्यक्रमाचे सूत्रसंचालन मयुरी गोरे यांनी तर आभार प्रदर्शन प्रियंका मेहेरे यांनी केले.
