आजरा (प्रतिनिधी) : शक्तीपीठ महामार्ग प्रकल्पाविरोधात आजरा येथे निर्धार मेळाव्याचे आयोजन करण्यात आले आहे. हा मेळावा बुधवार, दि. १५ एप्रिल २०२६ रोजी सकाळी ११ वाजता पार पडणार आहे.
या मेळाव्यास मार्गदर्शक म्हणून आमदार सतेज उर्फ बंटी पाटील उपस्थित राहणार असून त्यांच्या मार्गदर्शनाखाली महामार्गाविरोधातील भूमिका अधिक ठामपणे मांडली जाणार आहे.
सदर मेळावा मृत्युंजकार शिवाजीराव सावंत स्मृती दालन, आजरा अर्बन बँकेच्या मागे येथे आयोजित करण्यात आला आहे. आजरा, भुदरगड, चंदगड आणि गडहिंग्लज तालुक्यातील महाविकास आघाडीचे पदाधिकारी, कार्यकर्ते तसेच शेतकरी मोठ्या संख्येने उपस्थित राहणार असल्याची अपेक्षा आहे.
या मेळाव्याच्या माध्यमातून शक्तीपीठ महामार्गाबाबत स्थानिकांच्या भावना आणि मागण्या शासनापर्यंत पोहोचवण्याचा प्रयत्न करण्यात येणार आहे.
