व्यंकटराव (प्रतिनिधी) : येथील व्यंकटराव शिक्षण संकुलात भारतीय राज्यघटनेचे शिल्पकार, विश्वरत्न डॉ. बाबासाहेब आंबेडकर यांची जयंती उत्साहपूर्ण वातावरणात साजरी करण्यात आली.
कार्यक्रमाच्या प्रारंभी संस्थेचे उपाध्यक्ष कृष्णा पटेकर यांच्या हस्ते डॉ. बाबासाहेब आंबेडकर यांच्या प्रतिमेचे पूजन करून अभिवादन करण्यात आले. यावेळी उपस्थितांनी महामानवाच्या कार्याचा जयघोष केला.
याप्रसंगी संचालक पांडुरंग जाधव, सचिन (भैय्या) शिंपी, सुधीर जाधव यांची प्रमुख उपस्थिती होती. तसेच प्राचार्य एम. एम. नागुर्डेकर, ज्युनिअर विभाग प्रमुख एम. ए. पाटील, सीनियर कॉलेजचे प्रभारी प्राचार्य पन्हाळकर सर यांच्यासह सर्व शिक्षक, शिक्षिका व शिक्षकेतर कर्मचारी मोठ्या संख्येने उपस्थित होते.
कार्यक्रमाचे प्रमुख आकर्षण ठरलेले डी. आर. पाटील यांनी आपल्या प्रभावी वक्तृत्वातून डॉ. बाबासाहेब आंबेडकर यांचा जीवनपट उलगडला. त्यांच्या शिक्षणप्रेम, संघर्ष आणि राष्ट्रनिर्मितीतल्या योगदानावर त्यांनी सविस्तर प्रकाश टाकला.
शिक्षण संकुलातील सर्व घटकांच्या उत्स्फूर्त सहभागामुळे कार्यक्रमाला विशेष रंगत आली. शेवटी आभार प्रदर्शनाने कार्यक्रमाची सांगता करण्यात आली.
