एरंडोल प्रतिनिधी :
भारतरत्न डॉ. बाबासाहेब आंबेडकर यांच्या जयंतीचे औचित्य साधून एरंडोल येथील शितल अकॅडमीमध्ये भव्य बक्षीस वितरण समारंभ व विविध कार्यक्रमांचे आयोजन करण्यात आले. कार्यक्रमाला शहरातील मान्यवरांची मोठ्या संख्येने उपस्थिती लाभली.
कार्यक्रमाच्या व्यासपीठावर नगराध्यक्ष नरेंद्र ठाकूर, उपनगराध्यक्षा सुनीताताई माळी, ओबीसी जिल्हा प्रमुख रुपेश महाजन, अतुलभाऊ महाजन, कुणालभाऊ महाजन, नगरसेविका आरतीताई महाजन, मयूर महाजन, रवींद्र महाजन, शारदाताई मराठे, भारतीताई गुजर आणि विलासभाऊ पाटील आदी मान्यवर उपस्थित होते.
कार्यक्रमाची सुरुवात डॉ. बाबासाहेब आंबेडकर यांच्या प्रतिमेला पुष्पहार अर्पण करून करण्यात आली. त्यानंतर अकॅडमीतर्फे घेण्यात आलेल्या विविध स्पर्धांमध्ये यश संपादन करणाऱ्या विद्यार्थ्यांचा मान्यवरांच्या हस्ते सन्मान करण्यात आला.
यावेळी उपस्थित मान्यवरांनी विद्यार्थ्यांचे कौतुक करत त्यांच्या उज्ज्वल भविष्यासाठी शुभेच्छा दिल्या. तसेच शिक्षणाबरोबरच सामाजिक जाण आणि व्यक्तिमत्त्व विकासाचे महत्त्वही अधोरेखित केले.
कार्यक्रम यशस्वी करण्यासाठी अकॅडमीचे संचालक योगेश महाजन, राजेश महाजन, सानिका कुलकर्णी व त्यांच्या टीमने विशेष परिश्रम घेतले. विद्यार्थ्यांच्या उत्स्फूर्त सहभागामुळे कार्यक्रम अत्यंत उत्साहात आणि शिस्तबद्ध वातावरणात पार पडला.
हा सोहळा विद्यार्थ्यांसाठी प्रेरणादायी ठरला असून परिसरात सर्वत्र त्याचे कौतुक होत आहे.
