एरंडोल (प्रतिनिधी) :
महामानव तथा भारतीय राज्यघटनेचे शिल्पकार भारतरत्न डॉ. बाबासाहेब आंबेडकर यांच्या १३५ व्या जयंतीनिमित्त एरंडोल शहरात शानदार मोटारसायकल रॅली, जयघोष आणि भव्य मिरवणुकीद्वारे उत्सव मोठ्या उत्साहात साजरा करण्यात आला.
दि. १४ एप्रिल रोजी आमदार अमोल चिमणराव पाटील, नगराध्यक्ष डॉ. नरेंद्र ठाकूर, उपनगराध्यक्षा सुनिता माळी, प्रांताधिकारी मनीषकुमार गायकवाड, तहसीलदार गोपाळ पाटील, मुख्याधिकारी अमोल बागुल, पोलीस निरीक्षक निलेश गायकवाड, भाजप संघटन मंत्री ॲड. किशोर काळकर, अमित पाटील, शालिग्राम गायकवाड, प्रा. मनोज पाटील, आनंद दाभाडे, रामपाल गेडाम, नगरसेवक अमोल तंबोली आदी मान्यवरांच्या उपस्थितीत डॉ. बाबासाहेब आंबेडकर यांच्या प्रतिमेस पुष्पहार अर्पण करून अभिवादन करण्यात आले.
यानंतर सकाळी युवकांनी शहरातून जोरदार जयघोष करत भव्य मोटारसायकल रॅली काढली. या रॅलीचे उद्घाटन माजी उपनगराध्यक्ष शालिग्राम गायकवाड यांच्या हस्ते करण्यात आले. रॅलीमुळे संपूर्ण शहरात उत्साहाचे वातावरण निर्माण झाले.
संध्याकाळी वाजत-गाजत डॉ. बाबासाहेब आंबेडकर यांच्या प्रतिमेची भव्य मिरवणूक काढण्यात आली. ठिकठिकाणी प्रतिमेचे पूजन करण्यात आले. ढोल-ताशांच्या गजरात आणि वाद्यांच्या तालावर युवकांनी उत्स्फूर्त नृत्य करत जयंतीचा जल्लोष साजरा केला. या मिरवणुकीत सामाजिक सलोख्याचे सुंदर दर्शन घडले.
यावेळी माजी नगराध्यक्ष देविदास महाजन, जगदीश पाटील, ॲड. ओम त्रिवेदी, राजेश पाटील, बाळासाहेब पाटील, पी. जी. पाटील, डॉ. संग्राम पाटील, डॉ. बाबा बोहरी, किशोर निंबाळकर, सतीश पाटील यांसह अनेक मान्यवर उपस्थित होते.
कार्यक्रमाच्या यशस्वीतेसाठी माजी उपनगराध्यक्ष शालिग्राम गायकवाड, जयंती उत्सव समितीचे अध्यक्ष लखन बनसोडे, उपाध्यक्ष प्रवीण बागुल, मयूर अहिरे, प्रविण बाविस्कर, कोषाध्यक्ष संघरत्न गायकवाड तसेच सर्व कार्यकर्त्यांनी परिश्रम घेतले.
