मेहकर तालुका (प्रतिनिधी) :
डॉ. बाबासाहेब आंबेडकर यांच्या १३५ व्या जयंतीनिमित्त सामाजिक कार्यकर्ते योगेश भाऊ बुळे यांच्या पुढाकारातून शेलगाव देशमुख (ता. मेहकर, जि. बुलढाणा) येथे लहान मुलांसाठी क्रीडा साहित्य वाटपाचा उपक्रम राबविण्यात आला.
शीलवंत बौद्ध विहार येथे आयोजित या कार्यक्रमात कबड्डी व क्रिकेट किटचे वाटप करून विद्यार्थ्यांना क्रीडाक्षेत्रात प्रोत्साहन देण्यात आले. यासोबतच गावातील विविध जाती-धर्मातील शालेय विद्यार्थ्यांना एकत्र आणत धर्मसमभावाचा सुंदर संदेश देण्यात आला. कार्यक्रमादरम्यान विद्यार्थ्यांना मिठाईचेही वाटप करण्यात आले.
या उपक्रमामुळे ग्रामीण भागातील मुलांना खेळासाठी आवश्यक साहित्य उपलब्ध होऊन त्यांच्यातील क्रीडागुणांना वाव मिळणार असल्याची भावना उपस्थितांनी व्यक्त केली.
कार्यक्रमास गावचे सरपंच, उपसरपंच, ग्रामपंचायत सदस्य, वसंतराव बापू देशमुख, ॲड. के. जी. सदार, संदीप सदार, जितेंद्र दाभाडे, शेख बबलू भैया, तोफिक भाई तसेच विविध सामाजिक कार्यकर्ते मोठ्या संख्येने उपस्थित होते.
