रायगड (प्रतिनिधी):
मौजे पाले (ता. पेण, जि. रायगड) येथे दि. 13 एप्रिल 2026 रोजी आयोजित करण्यात आलेल्या मोफत आरोग्य तपासणी शिबिरात मोलाचे योगदान देणाऱ्या आशा सेविका व आरोग्य कर्मचाऱ्यांचा सन्मान सोहळा उत्साहात पार पडला.
हा सन्मान सोहळा देवा ग्रुप फाउंडेशन आरोग्य विभाग व BCD Health Care कंपनी यांच्या संयुक्त विद्यमाने आयोजित करण्यात आला होता.
शिबिराच्या यशस्वी आयोजनात महत्त्वपूर्ण भूमिका बजावणाऱ्या सौ. निलम दिनेश पाटील, सौ. मिलन कृष्णा राणे, सौ. विशाखा संतोष पाटील, सौ. निधी निलेश म्हात्रे, सौ. प्रविणा प्रविण पाटील (पर्यवेक्षक), सौ. सुरेखा उमेश म्हात्रे (आरोग्य सेविका), श्री. सुधीर वामन घरत (आरोग्य सेवक) व श्री. संग्राम दिलीप जाधव (क्ष-किरण तंत्रज्ञ) यांचा प्रशस्तीपत्र देऊन गौरव करण्यात आला.
या सर्व कर्मचाऱ्यांनी निस्वार्थ सेवाभावाने काम करत गोरगरीब रुग्णांना आरोग्य सेवा उपलब्ध करून देण्यात महत्त्वपूर्ण योगदान दिले. त्यांच्या कार्यामुळे शिबिर यशस्वी ठरल्याचे यावेळी सांगण्यात आले.
या सन्मान सोहळ्याला कोकण विभाग अध्यक्ष डॉ. अनिकेत प्रदीप मेस्त्री, रायगड जिल्हा संघटक श्री. जितेंद्र जाधव, पेण तालुका पदाधिकारी श्री. दिलीप चिंबोरे व श्री. समीर काडू तसेच BCD Health Care चे संचालक श्री. अभिजित राय उपस्थित होते.
मान्यवरांनी आशा सेविका व आरोग्य कर्मचाऱ्यांचे कार्य हे समाजासाठी प्रेरणादायी असल्याचे सांगत त्यांचे कौतुक केले. देवा ग्रुप फाउंडेशनच्या वतीने भविष्यातही असेच समाजोपयोगी उपक्रम राबवण्याचा निर्धार व्यक्त करण्यात आला.
कार्यक्रमामुळे कर्मचाऱ्यांचा उत्साह वाढला असून उपस्थितांनी या उपक्रमाचे कौतुक केले.
