अंदरसुल प्रतिनिधी : येवला तालुक्यातील गवंडगाव येथील प्रगतिशील शेतकरी भाऊसाहेब भागवत यांची कन्या ऋतूजा भाऊसाहेब भागवत हिने अवघ्या १९ व्या वर्षी उल्लेखनीय यश संपादन करत छत्रपती संभाजीनगर लोहमार्ग पोलीस पदासाठी जिल्ह्यात प्रथम क्रमांक मिळवत निवड मिळवली आहे.
तिच्या या यशामुळे गवंडगाव परिसरात आनंदाचे वातावरण निर्माण झाले असून सर्वत्र तिचे कौतुक होत आहे. ग्रामीण भागातील मुलींनीही जिद्द, परिश्रम आणि चिकाटीच्या जोरावर मोठी झेप घेऊ शकते, याचे प्रेरणादायी उदाहरण ऋतूजा भागवतने घालून दिले आहे.
ऋतूजाच्या या यशाबद्दल गवंडगावच्या सरपंच सौ. भारतीताई उत्तम भागवत यांच्या हस्ते तसेच ग्रामपंचायत सदस्य व ग्रामस्थांच्या उपस्थितीत तिचा भव्य सत्कार करण्यात आला.
यावेळी ग्रामस्थांनी ऋतूजाचे अभिनंदन करत तिच्या पुढील वाटचालीस शुभेच्छा दिल्या. तिच्या यशामुळे गावाचा गौरव वाढला असून अनेक तरुण-तरुणींना प्रेरणा मिळत आहे.
