जळकोट (प्रतिनिधी) : जळकोट तालुक्यातील इसराईल शादुल शेख (घोणसे) यांनी महाराष्ट्र लोकसेवा आयोगाच्या स्पर्धा परीक्षेत उल्लेखनीय यश संपादन करत पोलीस उपनिरीक्षक (PSI) पदासाठी निवड मिळवली आहे. त्यांच्या या यशामुळे जळकोट परिसरात आनंदाचे वातावरण निर्माण झाले आहे.
जिद्द, कठोर परिश्रम आणि चिकाटीच्या जोरावर इसराईल शेख यांनी हे यश संपादन केले. नोकरी आणि अभ्यास यांचा समतोल राखत त्यांनी सातत्याने मेहनत घेतली आणि अखेर पोलीस दलात स्थान मिळवले.
या यशाबद्दल जळकोट येथील नागरिक, मित्रपरिवार, तरुण वर्ग, सामाजिक संस्था, व्यापारी संघटना तसेच सर्वपक्षीय पदाधिकारी यांनी त्यांचे अभिनंदन केले. विविध स्तरांतून त्यांच्यावर शुभेच्छांचा वर्षाव होत आहे.
इसराईल शेख यांच्या यशामुळे जळकोटचा नावलौकिक वाढला असून ते परिसरातील तरुणांसाठी प्रेरणास्थान ठरत आहेत. “सारथी महाराष्ट्राचा”च्या वतीनेही त्यांच्या पुढील वाटचालीस हार्दिक शुभेच्छा देण्यात आल्या आहेत.
