मानवत (वार्ताहर) – दि. 4 मे 2026 रोजी के. के. एम. कनिष्ठ महाविद्यालयात इयत्ता बारावी (कला, वाणिज्य व विज्ञान) शाखेतील गुणवंत विद्यार्थ्यांचा सत्कार समारंभ उत्साहात पार पडला. एच.एस.सी. परीक्षेत महाविद्यालयाने यंदाही उत्कृष्ट निकाल देत शैक्षणिक यशाची परंपरा कायम राखली आहे.
यंदा विज्ञान शाखेचा निकाल 92.26%, वाणिज्य शाखेचा 89.42% तर कला शाखेचा 81.29% इतका लागला आहे.
गुणवंत विद्यार्थ्यांची नावे पुढीलप्रमाणे :
कला शाखा – कु. श्रद्धा राऊत (प्रथम), कु. अंजली चव्हाण (द्वितीय), कु. वैष्णवी धोपटे (तृतीय)
वाणिज्य शाखा – कु. वैष्णवी टेकाळे (प्रथम), कु. मयुरी काळे (द्वितीय), कु. वैष्णवी काळे व मयंक तळेकर (तृतीय)
विज्ञान शाखा – कु. निकिता वाघमारे (प्रथम), कु. भक्ती गोलाईत (द्वितीय), कु. किरण गवळी (तृतीय)
कार्यक्रमास संस्थेचे अध्यक्ष श्री. विजयकुमार कत्रुवार, सहसचिव विजयकुमार दलाल, संचालक दिलीपराव हिबारे तसेच पर्यवेक्षक प्रा. अनिल कापसे उपस्थित होते. मान्यवरांनी विद्यार्थ्यांचे अभिनंदन करून पुढील शैक्षणिक वाटचालीस शुभेच्छा दिल्या.
सूत्रसंचालन प्रा. विनोद हिबारे यांनी तर आभार प्रदर्शन प्रा. बालासाहेब भिसे यांनी केले. कार्यक्रमास विद्यार्थी, पालक व शिक्षक मोठ्या संख्येने उपस्थित होते.
