कन्नड (प्रतिनिधी):
शेरोडी येथील १८ वर्षीय तरुणी साक्षी वंकर इंगळे हि २९ एप्रिलच्या मध्यरात्रीपासून बेपत्ता झाल्याची घटना समोर आली असून, याप्रकरणी कन्नड ग्रामीण पोलीस ठाण्यात तक्रार दाखल करण्यात आली आहे.
तक्रारदार साईनाथ वंकर इंगळे यांनी दिलेल्या माहितीनुसार, २९ एप्रिल रोजी रात्री कुटुंबीय जेवण करून झोपले होते. रात्री सुमारे १२ ते १ वाजण्याच्या दरम्यान मुलगी साक्षी ही घरी झोपलेली दिसली. मात्र पहाटे ३ वाजता उठून पाहिले असता ती जागेवर आढळली नाही. त्यानंतर कुटुंबीयांनी नातेवाईक व परिसरात शोध घेतला, परंतु तिचा काहीच मागमूस लागला नाही.
👤 बेपत्ता तरुणीचे वर्णन:
- नाव: साक्षी वंकर इंगळे
- वय: १८ वर्षे
- रंग: गोरा
- अंगावर: लाल रंगाचा पंजाबी ड्रेस
- विशेष: कानात सोन्याची डूल
या प्रकरणी पोलिसांनी शोधमोहीम सुरू केली असून, नागरिकांनी सहकार्य करण्याचे आवाहन करण्यात आले आहे.
👉 अशी कोणतीही माहिती मिळाल्यास तात्काळ कन्नड ग्रामीण पोलीस यांच्याशी संपर्क साधावा, असे आवाहन पोलिसांकडून करण्यात आले आहे.
