२५ वर्षे सातत्याने समाजासाठी झटणाऱ्या व्यक्तिमत्त्वाचा गौरव
| प्रतिनिधी
पाताळगंगा (खोपोली), दि. ८ मे
पत्रकार मित्र संघ व मार्शल आर्ट स्पोर्ट अकॅडमी रायगड यांच्या संयुक्त विद्यमाने आयोजित भव्य पुरस्कार सोहळ्यात लायन्स क्लब खालापूरचे अध्यक्ष Kishor Patil यांना प्रतिष्ठेचा ‘महाराष्ट्र रत्न पुरस्कार’ प्रदान करून गौरविण्यात आले. सन्मानपत्र, सन्मानचिन्ह व श्रीफळ असे या पुरस्काराचे स्वरूप होते. हा सोहळा पेण येथील Pen Education Society सभागृहात उत्साहपूर्ण वातावरणात संपन्न झाला.
गेल्या २५ वर्षांपासून सामाजिक, शैक्षणिक आणि गरजू घटकांसाठी सातत्याने कार्य करणाऱ्या किशोर पाटील यांनी समाजात एक वेगळा आदर्श निर्माण केला आहे. विविध CSR निधीच्या माध्यमातून त्यांनी अनेक सामाजिक उपक्रम राबविले असून वृक्षलागवड, वृक्षसंवर्धन, आरोग्य शिबिरे, विद्यार्थ्यांना शैक्षणिक साहित्य वाटप, युवकांसाठी प्रेरणादायी उपक्रम तसेच गरजू नागरिकांना मदत अशा विविध क्षेत्रांत उल्लेखनीय काम केले आहे. त्यांच्या या समाजाभिमुख कार्याची दखल घेत त्यांना हा सन्मान प्रदान करण्यात आला.
यावेळी कृषी व पशुसंवर्धन सभापती Vaikunth Patil, देश विदेश टाइम्सचे संपादक व महाराष्ट्र रत्न पुरस्कार समितीचे अध्यक्ष Sachin Salunkhe, मार्शल आर्ट्स स्पोर्ट्स अकॅडमीचे संस्थापक व उपाध्यक्ष Kalpesh Shinde, रोहा तालुका राष्ट्रवादी महिला अध्यक्षा Pritam Patil, वॉरियर कराटे अकॅडमीचे अध्यक्ष Sihan Mane तसेच पेण एज्युकेशन सोसायटीचे अध्यक्ष ॲड. Mangesh Nene यांच्यासह अनेक मान्यवर उपस्थित होते.
