कन्नड | प्रतिनिधी
कन्नड तालुक्यातील आंबा-तांडा येथे हातउसने दिलेले पैसे मागण्यासाठी गेलेल्या तरुणास दोन जणांनी मारहाण केल्याची घटना घडली आहे. या प्रकरणी कन्नड ग्रामीण पोलीस ठाण्यात गुन्हा दाखल करण्यात आला आहे.
पोलीसांकडून मिळालेल्या माहितीनुसार, रायमल पोलाद राठोड (रा. आंबा-तांडा) यांनी दिलेल्या फिर्यादीनुसार, त्यांनी दिलेल्या पैशांच्या व्यवहाराबाबत विचारणा केली असता वाद निर्माण झाला. यावेळी गावातील संजय किसन जाधव आणि शामराव केशव जाधव यांनी त्यांच्यावर हल्ला केला.
फिर्यादीत नमूद केल्याप्रमाणे, शामराव जाधव याने हातातील दगडाने डोक्यात मारहाण केली, तर संजय जाधव याने ट्रॅक्टरखाली ओढून मारहाण केल्याचा आरोप करण्यात आला आहे.
या प्रकरणी कन्नड ग्रामीण पोलीस ठाण्यात गुन्हा नोंद करण्यात आला असून सहायक पोलीस निरीक्षक रामचंद्र पवार यांच्या मार्गदर्शनाखाली सहायक फौजदार श्री. पठाण व पोलीस हवालदार चव्हाण पुढील तपास करत आहेत.
