पिंपरी पेंढार | प्रतिनिधी
श्री सद्गुरू सिताराम महाराज माध्यमिक व उच्च माध्यमिक विद्यालय, पिंपरी पेंढार येथील इयत्ता दहावीच्या परीक्षेचा निकाल जाहीर झाला असून विद्यालयाने यंदाही उल्लेखनीय यश संपादन केले आहे. सेमी विभागाचा निकाल तब्बल १०० टक्के लागला असून नॉन सेमी विभागाचा निकाल ८६.९६ टक्के लागला आहे. विद्यार्थ्यांच्या या यशामुळे परिसरात आनंदाचे वातावरण निर्माण झाले आहे.
सेमी विभागातील गुणवंत विद्यार्थी :
🥇 प्रथम — कु. शिवम रवींद्र खर्गे — ९५%
🥈 द्वितीय — कु. मयुरी सुभाष काकडे — ९३%
🥉 तृतीय — कु. श्रद्धा भाऊसाहेब पिंगळे — ८९.४०%
🏅 चतुर्थ — कु. आदित्य सूर्यकांत शिंदे — ८९.४०%
नॉन सेमी विभागातील गुणवंत विद्यार्थी :
🥇 प्रथम — कु. राजू सिताराम तिटकरे — ६३%
🥈 द्वितीय — कु. वेद देवदत्त पडवळ — ६२.२०%
🥉 तृतीय — कु. कार्तिकी रेवणनाथ पादिर — ६१.२०%
विद्यार्थ्यांनी मिळवलेल्या या यशाबद्दल शाळेचे मुख्याध्यापक, शिक्षकवृंद व शिक्षकेतर कर्मचाऱ्यांचे ग्रामस्थांकडून अभिनंदन करण्यात आले. विद्यार्थ्यांच्या मेहनतीसोबतच शिक्षकांचे मार्गदर्शन आणि पालकांचे सहकार्य यामुळे हे यश संपादन झाल्याची भावना व्यक्त करण्यात आली.
यशस्वी विद्यार्थ्यांच्या पुढील शैक्षणिक वाटचालीस शुभेच्छांचा वर्षाव होत असून विद्यालयाच्या गुणवत्तापूर्ण शिक्षण परंपरेचे सर्वत्र कौतुक केले जात आहे.
