आमदाबाद : प्रतिनिधी
बारामती येथील क्रिएटिव्ह स्कूल व ज्युनिअर कॉलेजने २०२६ च्या एसएससी बोर्ड परीक्षेत पुन्हा एकदा उज्ज्वल निकालाची परंपरा कायम राखत विद्यार्थ्यांच्या यशाचा नवा मानदंड निर्माण केला आहे. संस्थेने शंभर टक्के निकालाची परंपरा कायम राखत गुणवत्तापूर्ण शिक्षण, अनुभवी मार्गदर्शन आणि विद्यार्थ्यांच्या मेहनतीच्या जोरावर उल्लेखनीय यश संपादन केले आहे.
यंदाच्या निकालात विशेष ओम दीक्षित याने गणित विषयात १०० पैकी १०० गुण मिळवत विशेष प्राविण्य संपादन केले. तसेच अनेक विद्यार्थ्यांनी उच्च गुण मिळवत संस्थेच्या यशात भर घातली.
निकालाची ठळक वैशिष्ट्ये :
- ९० टक्क्यांपेक्षा अधिक गुण मिळवणारे – ५१ विद्यार्थी
- ८५ टक्क्यांपेक्षा अधिक गुण मिळवणारे – ११२ विद्यार्थी
- ८० टक्क्यांपेक्षा अधिक गुण मिळवणारे – १५२ विद्यार्थी
- ७५ टक्क्यांपेक्षा अधिक गुण मिळवणारे – १६४ विद्यार्थी
विशेष म्हणजे कु. आदिती पवार हिने अवघ्या सहा महिन्यांपूर्वी क्रिएटिव्ह स्कूलमध्ये प्रवेश घेतला होता. अल्प कालावधीत केलेल्या मेहनतीच्या जोरावर तिने दहावीच्या परीक्षेत ८१.४० टक्के गुण मिळवत घवघवीत यश संपादन केले आहे. तिच्या या यशाबद्दल सर्व स्तरांतून अभिनंदन होत आहे.
या यशाबद्दल सर्व गुणवंत विद्यार्थी, शिक्षकवृंद, पालक आणि संस्थेच्या व्यवस्थापनाचे अभिनंदन करण्यात येत असून, विद्यार्थ्यांच्या यशामुळे परिसरात आनंदाचे वातावरण निर्माण झाले आहे.
