राळेगणसिद्धी | प्रतिनिधी
देशातील ज्येष्ठ समाजसेवक व भ्रष्टाचारविरोधी आंदोलनाचे प्रेरणास्थान पद्मश्री अण्णा हजारे यांची दिनांक 13 मे 2026 रोजी सायंकाळी 6 वाजता राळेगणसिद्धी येथे युवा क्रांती फाउंडेशन महाराष्ट्र राज्य पोलीस मित्र संघटनेच्या पदाधिकाऱ्यांनी सदिच्छा भेट घेत त्यांच्या प्रकृतीची आस्थेवाईकपणे विचारपूस केली.
या भेटीदरम्यान राष्ट्रीय संघटक सुरेश आप्पा गायकवाड (मलठण), खेड तालुका अध्यक्ष अंकुश आगरकर, पश्चिम महाराष्ट्र मार्गदर्शक संदीप भाकरे, पुणे जिल्हा कार्याध्यक्षा छायाताई नवले, शिरूर तालुका अध्यक्ष सतीश वाखारे, शिरूर तालुका सदस्य भगवान निचित तसेच शिरूर व खेड तालुक्यातील पदाधिकारी व कार्यकर्ते मोठ्या संख्येने उपस्थित होते.
वयाची 90 वर्षे पूर्ण करूनही अण्णा हजारे आजही समाजकारणासाठी प्रेरणादायी कार्य करत असल्याची भावना उपस्थित पदाधिकाऱ्यांनी व्यक्त केली. अण्णांच्या भेटीवेळी परिसरात उत्साहाचे वातावरण निर्माण झाले होते.
सध्या अण्णा हजारे यांच्या सुरक्षेसाठी अहमदनगर पोलीस प्रशासनाकडून विशेष पोलीस बंदोबस्त तैनात करण्यात आला असून भेटीसाठी येणाऱ्या नागरिकांनी प्रशासनाला सहकार्य करावे, असे आवाहन करण्यात आले.
यावेळी युवा क्रांती फाउंडेशन महाराष्ट्र राज्य पोलीस मित्र संघटनेचे राष्ट्रीय संघटक सुरेश आप्पा गायकवाड यांनी उपस्थित सर्व पदाधिकारी, सदस्य व प्रशासनाचे आभार मानले.
