सारथी महाराष्ट्राचा प्रतिनिधी / इंदापूर
सणसर येथील महाराष्ट्र शासन नियुक्त विशेष कार्यकारी अधिकारी तसेच महाराष्ट्र शासन गुणवंत कामगार कल्याण पुरस्कार प्राप्त, श्री छत्रपती सहकारी साखर कारखान्यातील सेवानिवृत्त कॉम्प्युटर ऑपरेटर आणि आझाद तरुण मंडळ सणसरचे संस्थापक अध्यक्ष प्रकाश ज्ञानदेव शिंदे यांनी आपल्या वाढदिवसानिमित्त केकऐवजी कलिंगड कापून वाढदिवस साजरा करत समाजापुढे एक वेगळा आदर्श निर्माण केला.
यावेळी कलिंगड, खरबूज, पेरू आणि केळी यांसारखी फळे कापून उपस्थितांनी त्याचा आनंद घेतला. वाढदिवस साजरा करण्याच्या या आगळ्यावेगळ्या उपक्रमातून शेतकऱ्यांना प्रोत्साहन देण्याचा आणि आरोग्यदायी जीवनशैलीचा संदेश देण्यात आला.
यावेळी उपस्थितांना मार्गदर्शन करताना “केकऐवजी कलिंगड, खरबूज, सफरचंद, पेरू, पपई, सीताफळ, आंबा, चिकू यांसारख्या फळांचा वाढदिवसात वापर करा. त्यामुळे शेतकऱ्यांच्या पिकांना बाजारपेठ मिळेल आणि शेतकरी आत्महत्या रोखण्यास मदत होईल,” असा सामाजिक संदेश देण्यात आला.
तसेच वाढदिवसाच्या निमित्ताने मोठ्या प्रमाणात केमिकलयुक्त केकवर खर्च केला जातो, उरलेला केक वाया जातो, तर दुसरीकडे फळांचा वापर केल्यास आरोग्यदायी आहार मिळतो आणि भारतीय संस्कृतीलाही प्राधान्य दिले जाते, असे मतही व्यक्त करण्यात आले. “पाश्चात्य संस्कृतीचे अंधानुकरण करण्याऐवजी आपल्या देशातील शेतकरी आणि आरोग्याला पूरक गोष्टींना प्राधान्य द्यावे,” असे आवाहन यावेळी करण्यात आले.
या नाविन्यपूर्ण उपक्रमाची परिसरात मोठ्या प्रमाणावर चर्चा होत असून अनेकांनी त्याचे स्वागत केले आहे.
यावेळी श्री छत्रपती सहकारी साखर कारखाना भवानीनगरचे माजी संचालक गणेशअण्णा झगडे, सणसर विविध कार्यकारी सहकारी सोसायटीचे संचालक यजुवेंद्रसिंह उर्फ बाबाजी निंबाळकर, सोमनाथ उर्फ पिंटू गुप्ते, जगदीश कांबळे, बेलवाडी कार्यकारी सहकारी सोसायटीचे चेअरमन संजय पवार, काझडचे पोलीस पाटील सुरेश पांढरे, इंदापूर अर्बन बँकेचे संचालक तानाजी उर्फ बाबा निंबाळकर, सणसर ग्रामपंचायत माजी सदस्य शरददादा कांबळे, सतीशकाका थोरात, घनश्याम अण्णा भोईटे, मारुती उर्फ बंडू निंबाळकर, जयकुमार निंबाळकर, दीपक तात्या निंबाळकर, सुमित निंबाळकर सर, संजय शिंदे सर, रणजीत राजेभोसले, युवा उद्योजक अनिल माने, समाजसेवक किरण गायकवाड, अमर निंबाळकर, पांडुरंग जाधव, गोविंद जाधव, राजेंद्र नेवसे, दिनेश पाटील निंबाळकर, राजेंद्र माणिकराव रायते, रमेश रायते, अण्णासो रायते, हॉटेल साईनाथचे प्रोप्रायटर किरण पाठक, सतीश जगताप आदी मान्यवर उपस्थित होते.
