उमरखेड प्रतिनिधी
हदगाव : महादेव मठ संस्थान, हदगाव तर्फे दिनांक 19, 20 व 21 मे 2026 रोजी नांदेड रोडवरील कस्तुरी मंगल कार्यालयासमोर भव्य दिव्य सर्वधर्मीय चतुर्थ पट्टाभिषेक वर्धापन दिन सोहळ्याचे आयोजन करण्यात आले आहे. या सोहळ्याची जय्यत तयारी पूर्ण झाली असून पंचक्रोशीतील ग्रामस्थांनी सढळ हाताने योगदान दिल्याने कार्यक्रमाला भव्य स्वरूप प्राप्त झाले आहे.
या धार्मिक सोहळ्याची सुरुवात शिवयोगी श्री बसवलिंग स्वामी संजीवन समाधी रुद्राभिषेकाने होणार आहे. त्यानंतर रुद्र स्वाहाकार पंचकुंडी यज्ञ, भव्य पारायण, संकीर्तन, धर्मसभा तसेच नगरभोजन अशा विविध धार्मिक कार्यक्रमांचे आयोजन करण्यात आले आहे.
या सोहळ्यास उज्जैन येथील जगद्गुरु श्री श्री श्री 1008 सिद्धलिंग राज देशीकेंद्र शिवाचार्य महास्वामीजी यांची प्रमुख उपस्थिती लाभणार असून त्यांच्या भव्य हत्तीवरील मिरवणुकीचे विशेष आकर्षण राहणार आहे. कार्यक्रमासाठी लाखो भाविक भक्त, विविध धर्मीय साधुसंत आणि श्रद्धाळू उपस्थित राहणार असल्याची माहिती आयोजकांनी दिली.
ष. ब्र. 108 सद्गुरु सिद्धलिंग शिवाचार्य गुरुमाऊली साखरखेर्डा यांच्या आशीर्वादाने हा सोहळा पार पडणार आहे.
महादेव मठ संस्थान हदगावचे मठाधिपती ष. ब्र. 108 सद्गुरु शिवचैतन्य शिवाचार्य गुरुमाऊली यांनी सर्व भक्तांना मोठ्या संख्येने उपस्थित राहून धर्मोपदेश, साधुसंत दर्शन व महाप्रसादाचा लाभ घ्यावा, असे आवाहन केले आहे.
