पेण प्रतिनिधी –
रायगड जिल्ह्यातील पेण तालुक्यातील गागोदे खुर्द गावात दि. २४/०५/२०२६ पासून एका चावऱ्या कुत्र्यामुळे ग्रामस्थांमध्ये भीतीचे वातावरण निर्माण झाले होते. हे कुत्रे अचानक नागरिकांच्या अंगावर धावून जाणे, चावणे अशा प्रकारचे वर्तन करत असल्याने गावकऱ्यांना मोठ्या त्रासाला सामोरे जावे लागले.
या प्रकारामुळे लहान मुले, महिला व वृद्ध नागरिकांच्या सुरक्षिततेचा प्रश्न निर्माण झाला होता. कुत्रा चावल्यास रेबीजसारख्या गंभीर आजारांचा धोका असल्याने ग्रामस्थांमध्ये चिंतेचे वातावरण होते.
या पार्श्वभूमीवर ग्रामस्थांनी, विशेषतः तरुणांनी, सरपंच, पोलीस पाटील आणि ग्रामसेवक यांच्या मार्गदर्शनाखाली एकत्र येऊन परिस्थिती हाताळण्याचा प्रयत्न केला. अखेरीस गावकऱ्यांनी एकत्रित निर्णय घेत खबरदारीची उपाययोजना केली.
दरम्यान, गावातील नागरिकांनी या घटनेतून भविष्यात अशा प्राण्यांपासून होणाऱ्या हल्ल्यांबाबत अधिक सतर्क राहण्याची गरज असल्याचे मत व्यक्त केले आहे. ग्रामस्थांनी एकत्र येऊन केलेल्या या प्रयत्नांमुळे संभाव्य धोका टळल्याचे सांगितले जात आहे.
स्थानिक प्रशासनानेही अशा घटनांबाबत वेळीच माहिती देऊन योग्य उपाययोजना करण्याचे आवाहन नागरिकांना केले आहे.
