सोलापूर | प्रतिनिधी
दक्षिण सोलापूर तालुक्यातील दोड्डी गावातील विद्यार्थ्यांनी एटीएस (ATS) आणि एटीएसई (ATSE) परीक्षेत उल्लेखनीय यश संपादन करून गावाचे नाव उज्ज्वल केले आहे. हे विद्यार्थी श्री वीरतपस्वी बालक मंदिर मराठी प्राथमिक शाळा, ८४ भवानी पेठ, सोलापूर येथे शिक्षण घेत आहेत.
विद्यार्थी दर्शन लक्ष्मण गिराम याने एटीएस परीक्षेत उत्कृष्ट कामगिरी करत केंद्रात प्रथम क्रमांक तर जिल्हास्तरावर चौथा क्रमांक मिळविला आहे. तसेच समीक्षा लक्ष्मण गावडे हिने एटीएसई परीक्षेत केंद्रात सहावा क्रमांक पटकावला आहे.
या यशामुळे दोड्डी गावात आनंदाचे वातावरण निर्माण झाले असून विद्यार्थ्यांवर अभिनंदनाचा वर्षाव होत आहे. गावातील नागरिक, शिक्षक व पालकांनी विद्यार्थ्यांना पुढील शैक्षणिक वाटचालीस शुभेच्छा दिल्या आहेत.
