पिंपरी-चिंचवड शहर स्मार्ट सिटीच्या दिशेने वाटचाल करत असताना शहरातील अनेक सीसीटीव्ही कॅमेरे बंद अवस्थेत असल्याची चर्चा नागरिकांमध्ये रंगू लागली आहे. शहरातील प्रमुख चौक, रस्ते, बाजारपेठा आणि गुन्हेगारी प्रवण भागांमध्ये बसविण्यात आलेल्या कॅमेऱ्यांपैकी नेमके किती कॅमेरे कार्यरत आहेत आणि किती बंद आहेत, याबाबत प्रशासनाने स्पष्ट माहिती जाहीर करावी, अशी मागणी जोर धरत आहे.
शहरात गुन्हे नियंत्रण, वाहतूक व्यवस्थापन आणि नागरिकांच्या सुरक्षेसाठी कोट्यवधी रुपयांचा सीसीटीव्ही प्रकल्प राबविण्यात आला आहे.
शहरातील कायमस्वरूपी सीसीटीव्ही यंत्रणेबाबत अनेक प्रश्न अद्याप अनुत्तरित असल्याचे नागरिकांचे म्हणणे आहे
याबाबत *Human Rights Development Organization चे पुणे सिटी पीआरओ Sachin Amaleयांनी प्रतिक्रिया देताना सांगितले की, “शहरातील नागरिकांच्या सुरक्षेसाठी बसविण्यात आलेले सीसीटीव्ही कॅमेरे २४ तास कार्यरत असणे आवश्यक आहे. अनेक ठिकाणी कॅमेरे बंद असल्याच्या तक्रारी नागरिकांकडून येत आहेत. प्रशासनाने तातडीने सर्व कॅमेऱ्यांचे ऑडिट करून किती सुरू आणि किती बंद आहेत याची माहिती जाहीर करावी.
काही भागांमध्ये गुन्हे किंवा अपघात घडल्यानंतर संबंधित परिसरातील कॅमेरे बंद असल्याचे समोर येत असल्याने नागरिक संताप व्यक्त करत आहेत. सोशल मीडियावरही “कॅमेरे आहेत, पण चालू किती?” असा सवाल उपस्थित केला जात आहे.
नागरिकांनी महापालिका आणि पोलिस प्रशासनाने शहरातील सर्व सीसीटीव्ही कॅमेऱ्यांची तातडीने दुरुस्ती करून सक्षम निगराणी व्यवस्था उभी करावी, अशी मागणी केली आहे. शहराच्या सुरक्षेसाठी आधुनिक आणि सतत कार्यरत सीसीटीव्ही यंत्रणा काळाची गरज असल्याचे मत व्यक्त होत आहे.
