निफाड : गोवंश (गाय) याला राष्ट्रीय पशू घोषित करून त्यास विशेष संरक्षण देण्यात यावे, अशी मागणी निफाड येथील मुस्लिम समाज बांधवांच्या वतीने करण्यात आली आहे. यासंदर्भात निफाड पोलीस ठाण्याचे पोलीस निरीक्षक Ganesh Gurav यांना निवेदन देण्यात आले.
सदर निवेदनाद्वारे शासनाने गोवंशाला राष्ट्रीय पशूचा दर्जा देऊन त्याच्या संरक्षणासाठी कठोर उपाययोजना कराव्यात, अशी मागणी करण्यात आली. तसेच हे निवेदन शासनापर्यंत पोहोचविण्याची विनंतीही करण्यात आली आहे.
यावेळी येत्या बकरीद सणाच्या पार्श्वभूमीवर समाजबांधवांना आवाहन करण्यात आले की, कोणीही गोवंशाची कुर्बानी देऊ नये आणि सामाजिक सलोखा तसेच शांतता कायम राखावी.
निवेदन देताना मुस्लिम समाजातील अनेक मान्यवर उपस्थित होते. यामध्ये Shakil Pathan, Firoz Inamdar, Noor Sheikh, Hajimalang Fakir, Vakil Sheikh, Asif Mansuri, Rashid Sheikh, Amjad Sheikh, Mustafa Tamboli, Munir Shah, Sharif Sheikh आणि Raju Bhai Sheikh आदी उपस्थित होते.
या उपक्रमामुळे सामाजिक ऐक्य, परस्पर सन्मान आणि शांततेचा संदेश दिला जात असल्याची भावना उपस्थितांनी व्यक्त केली.
