सारथी महाराष्ट्राचा | बातमी
सुशील पगारिया यांना संत गाडगेबाबा विद्यापीठाकडून आचार्य पदवी प्रदान
नेर, प्रतिनिधी : विजय बारस्कर
मांगलादेवी येथील डॉ. कांतीलाल पगारिया यांचे चिरंजीव सुशील पगारिया यांना संत गाडगेबाबा अमरावती विद्यापीठाने रसायनशास्त्र विषयात आचार्य पदवी (पीएच.डी.) प्रदान केली आहे.
सुशील पगारिया यांचा संशोधनाचा विषय ‘सिंथेसिस अँड फार्माकोलॉजिकल स्टडीज ऑफ सम नोवेल सबस्टिट्युटेड पायऱाझोल अँड आयसोक्झाझोल डेरिव्हेटिव्हज अँड देअर इम्पॅक्ट ऑन फायटोटॉक्सिक ग्रोथ ऑफ सम ग्रेन अँड व्हेजिटेबल क्रॉप प्लांट्स’ हा होता.
त्यांनी अमरावती येथील विद्या भारती महाविद्यालयाचे प्रा. डॉ. प्रवीण बोडखे यांच्या मार्गदर्शनाखाली हे संशोधन पूर्ण केले. पगारिया यांच्या या यशामध्ये त्यांचे वडील डॉ. कांतीलाल पगारिया, आई, पत्नी, मुलगी व मुलगा यांचा मोलाचा वाटा आहे.
सुशील पगारिया यांच्या या उल्लेखनीय कामगिरीबद्दल मांगलादेवी, नेर परिसरातून त्यांचे सर्वत्र अभिनंदन होत आहे.
