प्रतिनिधी –
विसाव्या शतकातील थोर संत श्री माऊली महाराज चाकरवाडीकर यांच्या २६ व्या पुण्यस्मरणानिमित्त चाकरवाडी येथे भव्य दिव्य अखंड हरिनाम सप्ताहाचे आयोजन करण्यात आले आहे. या धार्मिक महोत्सवात जिल्हाभरातील तसेच पंचक्रोशीतील भाविकांनी मोठ्या संख्येने सहभागी व्हावे, असे आवाहन आयोजकांनी केले आहे.
सप्ताहादरम्यान आठ दिवस अखंड ज्ञानेश्वरी पारायण, विविध नामवंत ह.भ.प. यांच्या कीर्तनसेवा, भजन, प्रवचन तसेच अनेक धार्मिक कार्यक्रमांचे आयोजन करण्यात आले आहे. या कालावधीत अखंड हरिनामाचा गजर आणि भक्तिमय वातावरण अनुभवण्याची संधी भाविकांना मिळणार आहे.
भाविकांच्या सेवेसाठी सप्ताह काळात अखंड अन्नदानाची व्यवस्था करण्यात आली असून, दूरवरून येणाऱ्या भाविकांच्या निवासाची सुविधाही आयोजकांकडून उपलब्ध करून देण्यात आली आहे.
धार्मिक, सांस्कृतिक आणि आध्यात्मिक परंपरेचे जतन करणाऱ्या या भव्य महोत्सवाचा लाभ घेण्यासाठी पंचक्रोशीतील तसेच जिल्हाभरातील सर्व भाविकांनी उपस्थित राहावे, असे आवाहन आयोजक समितीच्या वतीने करण्यात आले आहे.
