अकोला | प्रतिनिधी
राज्याचे उपमुख्यमंत्री तथा शिवसेना पक्षप्रमुख Eknath Shinde यांच्या नेतृत्वावर विश्वास व्यक्त करत बार्शीटाकळी नगरपंचायतीतील तब्बल १० नगरसेवकांनी शिवसेनेत जाहीर प्रवेश केला. मुंबई येथील ‘नंदनवन’ निवासस्थानी हा पक्षप्रवेश सोहळा पार पडला.
अकोला जिल्हा शिवसेना विशेष प्रभारी ललितभाऊ वानखडे आणि जिल्हाप्रमुख चंद्रशेखर पांडे (गुरुजी) यांच्या मार्गदर्शनाखाली हा पक्षप्रवेश पार पडल्याचे सांगण्यात आले. काँग्रेस, राष्ट्रवादी काँग्रेस (अजित पवार गट) तसेच अपक्ष नगरसेवकांनी शिवसेनेत प्रवेश केल्याने बार्शीटाकळीच्या राजकारणात मोठी खळबळ उडाली आहे.
शिवसेनेत प्रवेश करणारे नगरसेवक :
- शुभम इंगळे (अपक्ष)
- नवेद खान (अपक्ष)
- इफ्तेखारुद्दीन काझी (अपक्ष)
- शहाणा अंजुम (अपक्ष)
- रफिया खान (काँग्रेस)
- मुमताज सिद्दीक (काँग्रेस)
- सय्यद जहागीर (काँग्रेस)
- असगरी अंजुम (काँग्रेस)
- रुबिना परवीन (राष्ट्रवादी काँग्रेस – अजित पवार गट)
- सफिया बेगम (राष्ट्रवादी काँग्रेस – अजित पवार गट)
या पक्षप्रवेशाला “ऑपरेशन टायगर” असे नाव देण्यात आले असून, आगामी स्थानिक स्वराज्य संस्थांच्या निवडणुकांच्या पार्श्वभूमीवर शिवसेनेने अकोला जिल्ह्यात मोठी राजकीय ताकद निर्माण केल्याची चर्चा सुरू झाली आहे.
यावेळी शिवसेना पदाधिकारी, कार्यकर्ते आणि समर्थक मोठ्या संख्येने उपस्थित होते. पक्षप्रवेशानंतर नव्याने प्रवेश केलेल्या नगरसेवकांनी Eknath Shinde यांच्या नेतृत्वाखाली बार्शीटाकळी परिसरात शिवसेना अधिक मजबूत करण्याचा निर्धार व्यक्त केला.
