श्रीक्षेत्र माहूर
लोकमाता, न्यायप्रिय आणि जनकल्याणकारी राज्यकर्त्या म्हणून ओळखल्या जाणाऱ्या पुण्यश्लोक अहिल्यादेवी होळकर यांच्या ३०१ व्या जयंतीनिमित्त माहूर शहरासह तालुक्यात विविध ठिकाणी समाजप्रबोधन, महिला सक्षमीकरण, लोककल्याण आणि सामाजिक ऐक्याचा संदेश देणारे कार्यक्रम उत्साहात आयोजित करण्यात आले.
पुण्यश्लोक अहिल्यादेवी होळकर चौक तसेच श्री दत्तकृपा प्रतिष्ठान येथे जयंती उत्साहात साजरी करण्यात आली. यावेळी पुण्यश्लोक अहिल्यादेवी होळकर यांच्या जीवनकार्यावर, न्यायव्यवस्थेतील योगदानावर, महिला सक्षमीकरणाच्या विचारांवर तसेच धर्मकार्य आणि लोककल्याणकारी कार्यावर उपस्थित मान्यवरांनी आपले विचार व्यक्त केले.
या कार्यक्रमास माजी नगराध्यक्ष प्रा. राजेंद्र केशवे, ॲड. रमण जायभाये, नीलकंठ मस्के, डॉ. निरंजन केशवे, संजय भाऊ राठोड, ज्ञानेश्वर लाड, गोपू महामुने, अविनाश भोयर, सौ. राधा उपलेचवार, राजू सौंदलकर, विलास गावंडे, तानाजी मनभे, अनिल वाघमारे, विनोद सूर्यवंशी, नंदकुमार जोशी सर, इलियास बावाणी, योगेश परसवाळे, पुरुषोत्तम लांडगे, कैलास महल्ले, संतोष महल्ले, सौ. स्वाती आडे, रामकृष्ण केंद्रे, कैलास फड, पवन पांढरे, नवल वानखेडे, बळीराम डुरके, संतोष गंधे, संजय गुरनुले, परमेश्वर कानडे, आनंद हिंगाडे, संतोष हिंगाडे, बालाजी गेंटलवार, लव गावंडे तसेच दत्तकृपा प्रतिष्ठानचे विजय कांबळे यांच्यासह अनेक मान्यवर उपस्थित होते.
तालुक्यातील मनीरामथड येथेही पिंटू पाटील वायफनीकर यांच्या उपस्थितीत जयंती कार्यक्रम साजरा करण्यात आला. तालुक्यात विविध ठिकाणी पुण्यश्लोक अहिल्यादेवी होळकर जयंती मोठ्या उत्साहात आणि भक्तिमय वातावरणात साजरी करण्यात आली.
