परभणी | प्रतिनिधी
परभणी-हिंगोली स्थानिक स्वराज्यसंस्था मतदारसंघाच्या निवडणुकीत मतदारांनी उत्स्फूर्त प्रतिसाद देत जवळपास शंभर टक्के मतदानाची नोंद झाली. सायंकाळी 4 वाजेपर्यंत या मतदारसंघात तब्बल 99.79 टक्के मतदान झाले.
या मतदारसंघात एकूण 466 मतदार नोंदणीकृत असून त्यापैकी 465 मतदारांनी मतदानाचा हक्क बजावला.
मतदान केंद्रनिहाय आकडेवारी पुढीलप्रमाणे :
- परभणी तहसील कार्यालय मतदान केंद्र : 128 पैकी 128 मतदान
- सेलू मतदान केंद्र : 59 पैकी 58 मतदान
- गंगाखेड मतदान केंद्र : 73 पैकी 73 मतदान
- पाथरी मतदान केंद्र : 74 पैकी 74 मतदान
- हिंगोली मतदान केंद्र : 58 पैकी 58 मतदान
- कळमनुरी मतदान केंद्र : 23 पैकी 23 मतदान
- वसमत मतदान केंद्र : 51 पैकी 51 मतदान
मतदान प्रक्रियेदरम्यान सर्व मतदान केंद्रांवर शांततेत आणि सुरळीत वातावरणात मतदान पार पडले. प्रशासनाने केलेल्या नियोजनामुळे कोणताही अनुचित प्रकार घडला नसून मतदारांनी मोठ्या उत्साहात मतदानाचा हक्क बजावला.
