चिखली | दि. १९ जून २०२६
Pimpri-Chinchwad Municipal Corporation ने आज मोरेवस्ती येथील अष्टविनायक चौक परिसरात अनधिकृत बांधकामांवर धडक कारवाई करत अतिक्रमणाचा काही भाग जेसीबीच्या सहाय्याने पाडला. या कारवाईमुळे परिसरात एकच खळबळ उडाली आहे.
शहरातील वाढत्या अनधिकृत बांधकामांबाबत सातत्याने तक्रारी येत असताना महापालिकेने अखेर कारवाईचा बडगा उगारला. अतिक्रमण निर्मूलन विभागाच्या पथकाने पोलीस बंदोबस्तात ही मोहीम राबवली. कारवाईदरम्यान संबंधित बांधकामाचा काही भाग जमीनदोस्त करण्यात आला.
महापालिकेच्या या कारवाईनंतर परिसरातील इतर अनधिकृत बांधकामधारकांमध्येही धास्तीचे वातावरण निर्माण झाले आहे. नियम धाब्यावर बसवून उभारण्यात आलेल्या बांधकामांवर यापुढेही अशीच कठोर कारवाई सुरू राहणार असल्याचे संकेत या मोहिमेतून मिळत आहेत.
“नियम मोडणाऱ्यांवर कारवाई अटळ” असा स्पष्ट संदेश महापालिकेने या धडक कारवाईतून दिला असून, नागरिकांनी कोणतेही बांधकाम करण्यापूर्वी आवश्यक परवानग्या घेण्याचे आवाहन करण्यात आले आहे.
