वर्धा | प्रतिनिधी
Wardha Police यांच्या विशेष दारूबंदी मोहिमेअंतर्गत आर्वी उपविभागाच्या दारूबंदी पथकाने १७ जून २०२६ रोजी दोन वेगवेगळ्या ठिकाणी धाड टाकत एकूण २ लाख ९ हजार ९५० रुपयांचा मुद्देमाल जप्त केला. या प्रकरणी संबंधित आरोपींविरुद्ध गुन्हे दाखल करण्यात आले आहेत.
पहिली कारवाई Ashti पोलीस स्टेशन हद्दीतील मौजा आष्टी शिवारात करण्यात आली. आरोपी मुकुंद सुरजुसे (रा. आष्टी) याच्या बेकायदेशीर दारू भट्टीवर छापा टाकण्यात आला. या कारवाईत ३५ लोखंडी पिंपांमध्ये साठवलेले सुमारे ५२५ लिटर मोहा रसायन सडवा तसेच गावठी हातभट्टी दारू तयार करण्यासाठी लागणारे साहित्य जप्त करण्यात आले. या कारवाईत एकूण १ लाख १७ हजार ८५० रुपयांचा मुद्देमाल हस्तगत करण्यात आला.
दुसरी कारवाई Kakadadara शिवारात करण्यात आली. आरोपी भरतसिंग उर्फ गोऱ्यासिंग बावरी (रा. तळेगाव) याच्या दारू भट्टीवर पथकाने धाड टाकून ४ ड्रममध्ये साठवलेले सुमारे ४०० लिटर मोहा रसायन सडवा आणि हातभट्टी गाळण्यासाठी लागणारे साहित्य जप्त केले. या कारवाईत ९२ हजार १०० रुपयांचा मुद्देमाल हस्तगत करण्यात आला असून आरोपीला ताब्यात घेण्यात आले आहे.
दोन्ही प्रकरणांमध्ये Talegaon Police Station येथे गुन्हे नोंद करण्यात आले आहेत.
ही धडक कारवाई पोलीस अधीक्षक Saurabh Kumar Agrawal आणि अपर पोलीस अधीक्षक Sadashiv Waghmare यांच्या मार्गदर्शनाखाली करण्यात आली. कारवाईत सपोनि पद्माकर मुंडे, पोउपनि कल्पेश मगरे, पोलीस हवालदार राजेश पाचरे, पोलीस शिपाई प्रतिक नगराळे, महिला पोलीस शिपाई शिल्पा राऊत तसेच चालक पोलीस शिपाई सूरज भाणगे यांनी सहभाग घेतला.
