नांदेड | प्रतिनिधी
विधान परिषद निवडणुकीत महायुती व भारतीय जनता पक्षाचे अधिकृत उमेदवार अमरनाथ राजुरकर यांनी दणदणीत विजय मिळवल्यानंतर भाजप कार्यकर्ते आणि समर्थकांनी उत्साहात जल्लोष साजरा केला.
विजयाची घोषणा होताच कार्यकर्त्यांनी एकमेकांना मिठाई भरवून आनंद व्यक्त केला. फटाक्यांची आतषबाजी, घोषणाबाजी आणि जल्लोषात राजुरकर यांच्या विजयाचे स्वागत करण्यात आले. यावेळी महायुतीचे पदाधिकारी तसेच भाजपचे अनेक कार्यकर्ते मोठ्या संख्येने उपस्थित होते.
अमरनाथ राजुरकर यांच्या विजयामुळे महायुतीच्या कार्यकर्त्यांमध्ये उत्साहाचे वातावरण निर्माण झाले असून, हा विजय विकासकामांवरील जनतेच्या विश्वासाचा विजय असल्याची भावना उपस्थितांनी व्यक्त केली.
विजयाच्या निमित्ताने शहरातील विविध भागांमध्ये आनंदोत्सव साजरा करण्यात आला असून, कार्यकर्त्यांनी पुढील काळातही विकासकामांना गती देण्याचा निर्धार व्यक्त केला.
