जत | प्रतिनिधी
जत येथील नामांकित श्री. रामराव विद्यामंदिर प्राथमिक शाळेत नव्या शैक्षणिक वर्षानिमित्त इयत्ता १ ली ते ४ थीच्या प्रवेश प्रक्रियेनंतर नवोदित विद्यार्थ्यांचे उत्साहपूर्ण स्वागत करण्यात आले.
या वेळी जत नगरपरिषदेच्या माजी नगरसेविका सौ. शारदाताई कुंभार तसेच सामाजिक कार्यकर्ते आणि शिवनगर व शिवनेरी गणेशोत्सव मंडळाचे अध्यक्ष श्री. चंद्रकांत उर्फ पापा कुंभार यांनी विद्यार्थ्यांना गुलाबपुष्प देऊन त्यांचे स्वागत केले.
शाळेत इयत्ता १ ली ते ४ थीपर्यंत एकूण २२५ विद्यार्थी शिक्षण घेत असून, नव्या शैक्षणिक वर्षासाठी इयत्ता पहिलीच्या विद्यार्थ्यांना प्रवेश देण्यात आला आहे. विद्यार्थ्यांमध्ये शिक्षणाची आवड निर्माण व्हावी आणि त्यांचा सर्वांगीण विकास व्हावा यासाठी शाळेत विविध उपक्रम राबविण्यात येतात.
शाळेत अबॅकस, वैदिक गणित, रंगोत्सव चित्रकला स्पर्धा तसेच टी.एस.ई. सारख्या विविध स्पर्धा परीक्षांचे आयोजन केले जाते. उल्लेखनीय बाब म्हणजे या प्राथमिक शाळेला दोन वर्षांपूर्वी आय.एस.ओ. मानांकन प्राप्त झाले आहे.
यावेळी विद्यार्थ्यांना मान्यवरांच्या हस्ते शालेय साहित्याचेही वाटप करण्यात आले.
कार्यक्रमास प्रशालेचे मुख्याध्यापक श्री. पाठक सर, सौ. साळे मॅडम, आर. टी. कोळी, डी. एम. बालवाडीच्या मुख्याध्यापिका सौ. श्रद्धा शिंदे तसेच शिक्षिका शिखरे मॅडम उपस्थित होत्या.
