वर्धा प्रतिनिधी :
मा. पोलीस अधीक्षक सौरभकुमार अग्रवाल यांच्या आदेशानुसार तसेच मा. अप्पर पोलीस अधीक्षक सदाशिव वाघमारे व उपविभागीय पोलीस अधिकारी डॉ. वंदना कारखेले यांच्या मार्गदर्शनाखाली देवळी पोलिसांनी अवैध रेती वाहतुकीविरोधात मोठी कारवाई करत तब्बल ८ लाख ७ हजार रुपयांचा मुद्देमाल जप्त केला आहे.
पोलीस स्टेशन देवळीचे ठाणेदार संदीप कापडे यांच्या नेतृत्वाखाली पोलीस कर्मचारी पो.हवा. गणेश बावणे (ब.नं. 609), पोशी. पंकज चामचोर (ब.नं. 367) आणि पोशी. अनिकेत तळवेकर (ब.नं. 364) यांनी दिनांक 21 जून 2026 रोजी पहाटे 5.20 ते 5.50 वाजताच्या दरम्यान गोपनीय माहितीच्या आधारे मौजा वायगाव शिवारातील सोनेगाव बाई ते वायगाव रोडवर नाकाबंदी केली.
या कारवाईदरम्यान अवैध रेती (गौण खनिज) ची विनापरवाना वाहतूक करणाऱ्या दोन आरोपींना अटक करण्यात आली. आरोपींची नावे पुढीलप्रमाणे आहेत :
- गौरव अशोकराव गोडे (वय 30 वर्षे, रा. शिरसगाव, ता. देवळी, जि. वर्धा)
- प्रज्वल कवडुजी कोहळे (वय 21 वर्षे, रा. सोनेगाव बाई, ता. देवळी, जि. वर्धा)
आरोपींकडून शासनाचा महसूल बुडवून अवैधरीत्या रेती साठवणूक व वाहतूक केली जात असल्याचे निष्पन्न झाले. पोलिसांनी एकूण 8 लाख 7 हजार रुपयांचा मुद्देमाल जप्त केला आहे.
या प्रकरणी आरोपींविरुद्ध अप. क्रमांक 444/26 अन्वये कलम 303(2), 3(5) बीएनएस, महाराष्ट्र जमीन महसूल संहिता कलम 48(8) तसेच मोटार वाहन कायद्याच्या कलम 181, 130, 177 अंतर्गत गुन्हा नोंद करण्यात आला आहे.
सदर प्रकरणाचा पुढील तपास पो.हवा. गणेश बावणे हे करीत आहेत.
