सदाशिवनगर | प्रतिनिधी
श्री शंकर सहकारी साखर कारखाना लिमिटेड, सदाशिवनगर आणि श्री शंकर सहकारी साखर कारखाना सेवक कल्याणकारी संस्था यांच्या संयुक्त विद्यमाने उभारण्यात येणाऱ्या श्री हनुमान मंदिराच्या बांधकामाचे भूमिपूजन महाराष्ट्राचे माजी उपमुख्यमंत्री विजयसिंह मोहिते पाटील आणि सौ. नंदिनीदेवी मोहिते पाटील यांच्या शुभहस्ते संपन्न झाले.
यावेळी कृषी उत्पन्न बाजार समितीचे सभापती मदनसिंह मोहिते पाटील, कांचनमालादेवी मोहिते पाटील, कारखान्याचे चेअरमन रणजितसिंह मोहिते पाटील, सत्यप्रभादेवी रणजितसिंह मोहिते पाटील, माढा मतदारसंघाचे खासदार धैर्यशील मोहिते पाटील, शितलदेवी धैर्यशील मोहिते पाटील, माळशिरस पंचायत समितीचे सभापती दत्तात्रय मगर, सोलापूर जिल्हा परिषद सदस्य अर्जुनसिंह मोहिते पाटील व वैष्णवीदेवी मोहिते पाटील यांच्यासह विविध संस्थांचे पदाधिकारी, संचालक, लोकप्रतिनिधी आणि कार्यकर्ते मोठ्या संख्येने उपस्थित होते.
कार्यक्रमात मंदिर बांधकामाचे शिल्पकार दिपक मायाचार्य यांचा कारखान्याचे चेअरमन रणजितसिंह मोहिते पाटील यांच्या हस्ते सत्कार करण्यात आला.
यावेळी कारखान्याचे एक्झिक्युटिव्ह डायरेक्टर स्वरूप देशमुख, कार्यकारी संचालक अभिजीत डुबल, कारखान्याचे अधिकारी, कर्मचारी तसेच परिसरातील ग्रामस्थ मोठ्या संख्येने उपस्थित होते.
