मारेगाव | प्रतिनिधी :
मारेगाव तालुक्यातील खंडणी गावालगत असलेल्या भुरकी पोड परिसरात पुन्हा एकदा अवैध दारू विक्री सुरू असल्याची माहिती स्थानिक नागरिकांनी दिली आहे. यामुळे परिसरातील महिला, शालेय विद्यार्थिनी तसेच नागरिकांमध्ये नाराजीचे वातावरण आहे.
स्थानिकांच्या माहितीनुसार, संबंधित अवैध दारू विक्रेत्यावर यापूर्वी स्थानिक गुन्हे शाखेने (एलसीबी) कारवाई केली होती. त्या कारवाईनंतर काही काळ दारू विक्री बंद होती. मात्र, पुन्हा प्रशासनाच्या नजरेआड अवैध दारू विक्री सुरू झाल्याचा आरोप नागरिकांनी केला आहे.
अवैध दारू विक्रीमुळे परिसरातील महिला, शाळकरी मुली आणि प्रतिष्ठित नागरिकांना त्रास सहन करावा लागत असल्याचे स्थानिकांचे म्हणणे आहे. त्यामुळे या प्रकारावर संबंधित प्रशासनाने तातडीने लक्ष देऊन अवैध दारू विक्रीला आळा घालावा, अशी मागणी नागरिकांनी केली आहे.
दरम्यान, या प्रकरणाची संबंधित यंत्रणांकडून अधिकृत पुष्टी झालेली नसून, प्राप्त तक्रारींच्या आधारे आवश्यक चौकशी करून योग्य ती कारवाई करण्याची अपेक्षा नागरिकांनी व्यक्त केली आहे.
