वाढदिवसानिमित्त वृक्षारोपणाचा उपक्रम; शिवनेरी हौसिंग सोसायटीत पर्यावरण संवर्धनाचा संदेश

आकुर्डी | प्रतिनिधी

आकुर्डी येथील शिवनेरी हौसिंग सोसायटी (PMAY प्रकल्प) येथे डी विंगचे कमिटी सदस्य अनिकेत शिंदे यांच्या वाढदिवसानिमित्त वृक्षारोपणाचा सामाजिक उपक्रम उत्साहात पार पडला.

या उपक्रमात सोसायटीचे कमिटी सदस्य, लाभार्थी आणि रहिवाशांनी मोठ्या संख्येने सहभाग घेत विविध वृक्षांची लागवड केली. पर्यावरण संवर्धनाचा संदेश देत वाढदिवस समाजोपयोगी पद्धतीने साजरा करण्यात आला.

यावेळी प्रकल्पाच्या वतीने अनिकेत शिंदे यांचा सत्कार करून त्यांना वाढदिवसाच्या शुभेच्छा देण्यात आल्या. तसेच त्यांचे मित्र व शुभेच्छुक निशिकांत पाटील, निलेश पाटील, शिंदे साहेब, प्रकाश तसेच इतर मान्यवरांनी उपस्थित राहून शुभेच्छा दिल्या.

उपस्थितांनी “वृक्ष लावा, वृक्ष जगवा” हा संदेश देत लागवड केलेल्या वृक्षांचे संगोपन करण्याचा संकल्प केला. या उपक्रमाचे परिसरातील नागरिकांनीही स्वागत करत कौतुक व्यक्त केले.