जुन्नर | प्रतिनिधी
कल्याणनगर हायवेवरील सितेवाडी गावाजवळ शनिवारी भीषण अपघात झाला. भरधाव वेगातील चारचाकी वाहनावरील चालकाचे नियंत्रण सुटल्याने वाहन रस्त्याच्या कडेला जाऊन पलटी झाले. या अपघातात वाहनाचे मोठ्या प्रमाणात नुकसान झाले असून वाहनाचा पुढील भाग पूर्णपणे चकनाचूर झाला.
घटनेची माहिती मिळताच स्थानिक नागरिकांनी तातडीने घटनास्थळी धाव घेत जखमींना मदत केली. जखमींना उपचारासाठी जवळील रुग्णालयात दाखल करण्यात आले. प्राथमिक माहितीनुसार, या अपघातात कोणतीही जीवितहानी झालेली नाही.
दरम्यान, अपघाताचे नेमके कारण अद्याप स्पष्ट झाले नसून संबंधित यंत्रणेकडून पुढील तपास सुरू आहे. या घटनेच्या पार्श्वभूमीवर वाहनचालकांनी वेगावर नियंत्रण ठेवून वाहतूक नियमांचे पालन करत सुरक्षितपणे वाहन चालवावे, असे आवाहन करण्यात आले आहे.
