परभणी | प्रतिनिधी :
परभणी जिल्ह्याच्या विकासकामांचा आढावा घेण्यासाठी पालकमंत्री मेघना साकोरे-बोर्डीकर यांच्या अध्यक्षतेखाली आज जिल्हाधिकारी कार्यालयातील जिल्हा नियोजन सभागृहात जिल्हा वार्षिक योजनेची आढावा बैठक आयोजित करण्यात आली.
बैठकीत विविध विभागांच्या विकासकामांचा, मंजूर निधीच्या खर्चाचा तसेच सुरू असलेल्या योजनांच्या प्रगतीचा सविस्तर आढावा घेण्यात आला. विकासकामे वेळेत आणि दर्जेदार पद्धतीने पूर्ण करण्याच्या दृष्टीने संबंधित विभागांना आवश्यक सूचना देण्यात आल्या.
यावेळी जिल्हा परिषद अध्यक्षा लता वाकळे, विधान परिषद सदस्य सईद खान, आमदार रत्नाकर गुट्टे आणि राजेश विटेकर, पालक सचिव चंद्रकांत पुलकुंडवार, जिल्हाधिकारी संजय सिंह चव्हाण, मुख्य कार्यकारी अधिकारी नतिशा माथुर, पोलीस अधीक्षक पंकज कुमावत, महापालिका आयुक्त नितीन नार्वेकर, जिल्हा नियोजन अधिकारी उमेश वाघमारे, प्रकल्प संचालक रश्मी खांडेकर तसेच विविध विभागांचे प्रमुख अधिकारी उपस्थित होते.
याशिवाय खासदार संजय जाधव आणि इतर लोकप्रतिनिधींनी दूरदृश्य प्रणालीद्वारे बैठकीत सहभाग नोंदवून विकासकामांबाबत सूचना व सूचना मांडल्या.
