दिघोळ | प्रतिनिधी
श्री संत एकनाथ महाराज यांच्या पालखीचे दिघोळ येथे ग्रामस्थांच्या वतीने उत्साहपूर्ण वातावरणात स्वागत करण्यात आले. सायंकाळी सुमारे सहा वाजता आतषबाजी करून पालखीचे स्वागत करण्यात आले. यावेळी पालखी प्रमुख ह.भ.प. रघुनाथबुवाजी महाराज गोसावी यांचा ग्रामस्थांच्या हस्ते सत्कार करण्यात आला.
या स्वागत सोहळ्यास पालखीवाले योगेश महाराज गोसावी, सिताराम गडाचे महंत, गिते बाबा दिंडीचे प्रमुख महांलिंग महाराज नगरे, विश्व वारकरी सेनेचे अहिल्यानगर जिल्हाध्यक्ष हरिआबा महाराज गिते, ज्ञानेश्वर महाराज नगरे (आळंदी) यांच्यासह अनेक वारकरी उपस्थित होते.
तसेच तहसीलदार धनंजय बांगर, गटविकास अधिकारी शुभम जाधव, विस्तार अधिकारी शंकरराव गायकवाड, भाजप नेते मधुकर आबा राळेभात, उद्योजक शंकरराव वाघमारे, ग्रामसेवक तांबोळी, तलाठी राठोड, प्रशासक सरपंच संतोष शिंदे, माजी सरपंच पिराजी दगडे, दिघोळ सोसायटीचे अध्यक्ष मच्छिंद्र गिते, माजी सरपंच अरुण शेठ गवळी, गहिनीनाथ गिते, राष्ट्रवादी युवक तालुकाध्यक्ष सूरज रसाळ, अशोक गिते, संतोष माने, भीमराव गिते यांच्यासह ग्रामस्थ मोठ्या संख्येने उपस्थित होते.
यावेळी पुणे येथील उद्योजक शंकर शेठ वाघमारे यांच्या वतीने वारकऱ्यांसाठी नाश्त्याची व्यवस्था करण्यात आली. संपूर्ण कार्यक्रम पोलीस निरीक्षक उज्वलसिंह राजपूत यांच्या मार्गदर्शनाखाली कडक पोलीस बंदोबस्तात शांततेत पार पडला.
