कवठे महांकाळ | प्रतिनिधी
कवठे महांकाळ तालुक्यातील जाखापूर गावातील रहिवासी व पी. व्ही. पी. महाविद्यालय, कवठे महांकाळ येथे शिक्षण घेत असलेला विद्यार्थी कु. यश गंगाधर पाटील याचे अपघातात गंभीर जखमी झाल्यानंतर उपचारादरम्यान दुर्दैवी निधन झाले. या घटनेमुळे जाखापूर गावावर शोककळा पसरली आहे.
यश हा अत्यंत गुणवान, मेहनती आणि सर्वांचा लाडका विद्यार्थी म्हणून ओळखला जात होता. शिक्षणासोबतच त्याने सिनेमॅटिक व्हिडिओ आणि फोटोशूटच्या क्षेत्रातही अल्पावधीत स्वतःची वेगळी ओळख निर्माण केली होती. त्याच्या उत्कृष्ट कामाचे परिसरातून कौतुक होत होते.
यशच्या अकाली निधनाची बातमी समजताच मित्र, शिक्षक आणि ग्रामस्थांमध्ये हळहळ व्यक्त करण्यात आली. अनेकांनी त्याच्या आठवणींना उजाळा देत भावपूर्ण श्रद्धांजली अर्पण केली.
या दुर्दैवी घटनेमुळे जाखापूर गावात शोककळा पसरली असून, यशच्या कुटुंबीयांप्रती ग्रामस्थांसह विविध स्तरांतून गहिर्या संवेदना व्यक्त करण्यात येत आहेत.
