तापीमाई जन्मोत्सव सोहळ्याचे निमगव्हाण येथे आयोजन; भाविकांना उपस्थित राहण्याचे आवाहन

चोपडा | प्रतिनिधी

परमपूज्य श्री श्री १००८ धुनीवाले दादाजी तथा परमपूज्य श्री स्वामी भक्तानंद गुरु रेवानंद परमहंस यांच्या कृपाशीर्वादाने श्री धुनीवाले दादाजी प्रतिष्ठान, निमगव्हाण यांच्या वतीने दरवर्षीप्रमाणे यंदाही तापीमाई जन्मोत्सव सोहळ्याचे आयोजन करण्यात आले आहे.

सन १९४८ पासून अखंड परंपरेने सुरू असलेल्या या धार्मिक सोहळ्यात तापीमाई जन्मकथा (पोथी), अखंड नामस्मरण, हवन सप्ताह, संकीर्तन व विविध धार्मिक कार्यक्रमांचे आयोजन करण्यात येते. यावर्षी हा उत्सव दि. १५ जुलै ते २० जुलै २०२६ या कालावधीत निमगव्हाण (ता. चोपडा) येथे पार पडणार आहे.

सोमवार, दि. २० जुलै २०२६ रोजी सकाळी १० वाजता हवन, महाआरती व महाप्रसादाने सोहळ्याची सांगता होणार आहे.

या निमित्ताने सर्व भाविकांनी तापीमाईचे पूजन, नामस्मरण, संकीर्तन, हवन तसेच महाप्रसादाचा लाभ घ्यावा आणि भक्तिभावाने या धार्मिक सोहळ्यात सहभागी व्हावे, असे आवाहन श्री स्वामी भक्तानंद गुरु रेवानंद परमहंस श्री धुनीवाले दादाजी प्रतिष्ठान, निमगव्हाण (ता. चोपडा) यांच्या वतीने करण्यात आले आहे.