🚨 करणजवण गाव फाटा येथे अवैध दारूविक्रीची चौकशी करण्याची नागरिकांची मागणी

नाशिक प्रतिनिधी

दिंडोरी तालुक्यातील करणजवण गाव फाटा परिसरात अवैध दारूविक्री सुरू असल्याचा आरोप स्थानिक नागरिकांनी केला असून, या प्रकरणाची सखोल चौकशी करून दोषींवर कठोर कारवाई करण्यात यावी, अशी मागणी प्रशासनाकडे करण्यात आली आहे.

पाथरीत ‘राजमाता जिजाऊ’ बसचे लोकार्पण; आमदार सईद भैया खान यांच्या हस्ते उद्घाटन

लाडकी बहीण योजना महाराष्ट्राचा दुहेरी आर्थिक घोटाळा ।

शिरूर-खेडच्या सीमावर्ती भागात ७४३ हेक्टरवर नवी MIDC; जमीन संपादनाला सुरुवात{ शिरूर तालुका प्रतिनिधी सारथी महाराष्ट्राचा}

ग्रामस्थांच्या म्हणण्यानुसार, परिसरात सुरू असलेल्या कथित अवैध दारूविक्रीमुळे अनेक मजूर, शेतकरी व युवक व्यसनाच्या आहारी जात असून त्याचा थेट परिणाम त्यांच्या कुटुंबाच्या आर्थिक आणि सामाजिक जीवनावर होत आहे. दारूच्या व्यसनामुळे कौटुंबिक वाद, आर्थिक अडचणी आणि सामाजिक समस्या वाढत असल्याची चिंता नागरिकांनी व्यक्त केली आहे.

स्थानिक महिलांनीही या प्रकाराबाबत नाराजी व्यक्त करत, परिसरातील अवैध दारूविक्रीवर कायमस्वरूपी आळा घालण्यासाठी प्रशासनाने प्रभावी उपाययोजना कराव्यात, अशी मागणी केली आहे.

नागरिकांनी संबंधित पोलीस प्रशासन आणि राज्य उत्पादन शुल्क विभागाने या प्रकरणाची निष्पक्ष चौकशी करून, अवैध दारूविक्री होत असल्याचे आढळल्यास संबंधितांविरुद्ध कायद्यानुसार कठोर कारवाई करावी, तसेच भविष्यात अशा प्रकारांना प्रतिबंध घालण्यासाठी नियमित तपासणी मोहीम राबवावी, अशी अपेक्षा व्यक्त केली आहे.

दरम्यान, या संदर्भात संबंधित विभागाकडे लेखी तक्रार दाखल करण्याची तयारी सुरू असल्याची माहिती मिळाली असून, प्रशासनाकडून या प्रकरणाची दखल घेतली जाईल, अशी अपेक्षा ग्रामस्थांनी व्यक्त केली आहे.