दोडामार्ग | प्रतिनिधी
‘दि बुद्धिस्ट सोसायटी ऑफ इंडिया’ (भारतीय बौद्ध महासभा), सिंधुदुर्ग जिल्हा शाखेअंतर्गत दोडामार्ग तालुका शाखेची नवीन कार्यकारिणी जाहीर करण्यात आली आहे. दोडामार्ग येथील सुधाकर कॉम्प्लेक्समध्ये आयोजित विशेष बैठकीत ही निवड प्रक्रिया पार पडली. नवनियुक्त पदाधिकाऱ्यांना अधिकृत नियुक्तीपत्रही प्रदान करण्यात आले.
या बैठकीला जिल्हाध्यक्ष आनंदकुमार विश्राम धामापूरकर, जिल्हा सचिव प्रवीण भिकाजी कदम, जिल्हा उपाध्यक्ष चंद्रकांत भोजू जाधव तसेच विहार समन्वयक संजय रामा पाटील उपस्थित होते.
महासभेने ही कार्यकारिणी प्रारंभी दोन महिन्यांसाठी तात्पुरत्या स्वरूपात नियुक्त केली असून, या कालावधीत पदाधिकाऱ्यांच्या संघटनात्मक कार्याचा व सक्रियतेचा आढावा घेतला जाणार आहे. त्यानंतर समाधानकारक कामगिरी करणाऱ्या पदाधिकाऱ्यांना पुढील दोन वर्षांसाठी अंतिम मान्यता देण्यात येणार असल्याचे नियुक्तीपत्रात नमूद करण्यात आले आहे. कार्यात निष्क्रिय राहणाऱ्या पदाधिकाऱ्यांची नावे अंतिम कार्यकारिणीतून वगळली जाऊ शकतात, असेही स्पष्ट करण्यात आले आहे.
नवीन कार्यकारिणी
- अध्यक्ष: दीपक बुधाजी जाधव (घोटगे)
- उपाध्यक्ष: सीताराम तानाजी जाधव (बोडदे)
- सचिव: हरिश्चंद्र रामा मणेरकर (मणेरी)
- कोषाध्यक्ष: कृष्णा बाबी कदम (कुंब्रल)
- मुख्य संघटक: विजय लाडू जाधव (कुडासे)
- संस्कार समन्वयक: भगवान महादेव जाधव (उगाडे)
- सहसंघटक: आनंद तामसो सम्राट (हेवाळे)
- सदस्य: अस्मिता आनंद सम्राट (हेवाळे)
- सदस्य: क्रांतीराज तामसो सम्राट (हेवाळे)
- सदस्य: शंकर शांताराम जाधव (केर)
- सदस्य: महेश मोहन जाधव (घोटगे)
नवीन कार्यकारिणीच्या नियुक्तीनंतर दोडामार्ग तालुक्यातील बौद्ध समाजबांधवांकडून सर्व नवनियुक्त पदाधिकाऱ्यांचे अभिनंदन करण्यात येत असून, त्यांच्या नेतृत्वाखाली सामाजिक, शैक्षणिक आणि संघटनात्मक कार्याला अधिक गती मिळेल, असा विश्वास व्यक्त केला जात आहे.
